ye meri aahon mein aanch kaisi ye taw kaisa

Taseer Jafry

ye meri aahon mein aanch kaisi ye taw kaisa

Taseer Jafry

MORE BYTaseer Jafry

    ye merī aahoñ meñ aañch kaisī ye taav kaisā

    dahak rahā hai ye mere andar alaav kaisā

    ye aag kaisī dil-e-hazīñ meñ lagī huī hai

    ye āñsuoñ hai jānib-e-dil bahāv kaisā

    ye kaun ham ko falak se paiham bulā rahā hai

    hai is jahāñ meñ ye roz chal-chalāv kaisā

    mohabbatoñ meñ ravā nahīñ hai ye vaz.a-dārī

    bane ho āshiq to ishq meñ rakh-rakhāv kaisā

    jab ashk āñkhoñ had ke andar maujzan haiñ

    to phir ye āñkhoñ ke sāhiloñ meñ kaTāv kaisā

    koī to hai jo mujhe Thaharne ko kah gayā hai

    safar meñ 'tāsīr' varna aisā paḌāv kaisā

    ye meri aahon mein aanch kaisi ye taw kaisa

    dahak raha hai ye mere andar alaw kaisa

    ye aag kaisi dil-e-hazin mein lagi hui hai

    ye aansuon ka hai jaanib-e-dil bahaw kaisa

    ye kaun hum ko falak se paiham bula raha hai

    hai is jahan mein ye roz ka chal-chalaw kaisa

    mohabbaton mein rawa nahin hai ye waza-dari

    bane ho aashiq to ishq mein rakh-rakhaw kaisa

    jab ashk aankhon ki had ke andar hi maujzan hain

    to phir ye aankhon ke sahilon mein kaTaw kaisa

    koi to hai jo mujhe Thaharne ko kah gaya hai

    safar mein 'tasir' warna aisa paDaw kaisa

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY