یہ مرے گھر کے تین چار درخت
یہ مرے گھر کے تین چار درخت
ہیں دساور کے تین چار درخت
پھر ہوا شاخ شاخ سے لپٹی
آشنا کر کے تین چار درخت
جیسے کاغذ کی ایک دو کلیاں
جیسے پتھر کے تین چار درخت
دشت درپیش ہے سو چلتا ہوں
آنکھ میں بھر کے تین چار درخت
شاہ نے باغ میں اگائے ہیں
سنگ مرمر کے تین چار درخت
دشت دل اس قدر پھلا پھولا
دیکھے مر مر کے تین چار درخت
آخری وقت بس ہوائیں تھیں
اور صنوبر کے تین چار درخت
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
