ye mohabbat ka jo ambar paDa hai mujh mein

Anjum Saleemi

ye mohabbat ka jo ambar paDa hai mujh mein

Anjum Saleemi

MORE BYAnjum Saleemi

    ye mohabbat jo ambār paḌā hai mujh meñ

    is liye hai ki mirā yaar paḌā hai mujh meñ

    chhīñT ik uḌ ke mirī aañkh meñ aa.ī to khulā

    ek dariyā abhī tah-dār paḌā hai mujh meñ

    merī peshānī pe us bal jagah hai nahīñ

    sabr ke saath jo hamvār paḌā hai mujh meñ

    har ta.alluq ko mohabbat se nibhā letā hai

    dil hai koī adākār paḌā hai mujh meñ

    merā dāman bhī koī dast-e-havas khīñchtā hai

    ek merā bhī ḳharīdār paḌā hai mujh meñ

    kis ne ābād kiyā hai mirī vīrānī ko

    ishq ne? ishq to bīmār paḌā hai mujh meñ

    mere uksāne pe maiñ ne mujhe barbād kiyā

    maiñ nahīñ merā gunahgār paḌā hai mujh meñ

    mashvara lene naubat nahīñ aa paatī

    ek se ek samajhdār paḌā hai mujh meñ

    ai barābar se guzarte hue dukh tham to sahī

    tujh pe rone ko azā-dār paḌā hai mujh meñ

    merā honā mire hone gavāhī to nahīñ

    mere aage mirā inkār paḌā hai mujh meñ

    bhuuk aisī hai ki maiñ ḳhud ko bhī khā saktā huuñ

    kaisā ye qaht lagātār paḌā hai mujh meñ

    ye mohabbat ka jo ambar paDa hai mujh mein

    is liye hai ki mera yar paDa hai mujh mein

    chhinT ek uD ke meri aankh mein aai to khula

    ek dariya abhi tah-dar paDa hai mujh mein

    meri peshani pe us bal ki jagah hai hi nahin

    sabr ke sath jo hamwar paDa hai mujh mein

    har talluq ko mohabbat se nibha leta hai

    dil hai ya koi adakar paDa hai mujh mein

    mera daman bhi koi dast-e-hawas khinchta hai

    ek mera bhi KHaridar paDa hai mujh mein

    kis ne aabaad kiya hai meri virani ko

    ishq ne? ishq to bimar paDa hai mujh mein

    mere uksane pe main ne mujhe barbaad kiya

    main nahin mera gunahgar paDa hai mujh mein

    mashwara lene ki naubat hi nahin aa pati

    ek se ek samajhdar paDa hai mujh mein

    ai barabar se guzarte hue dukh tham to sahi

    tujh pe rone ko aza-dar paDa hai mujh mein

    mera hona mere hone ki gawahi to nahin

    mere aage mera inkar paDa hai mujh mein

    bhuk aisi hai ki main KHud ko bhi kha sakta hun

    kaisa ye qaht lagatar paDa hai mujh mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY