ye muskuraate tamam sae hue parae to kya karoge

Tahir Adeem

ye muskuraate tamam sae hue parae to kya karoge

Tahir Adeem

MORE BYTahir Adeem

    ye muskurāte tamām saa.e hue parā.e to kyā karoge

    havā ne jab bhī mire badan ke diye bujhā.e to kyā karoge

    tumhārī ḳhvāhish pe umr bhar judā.iyāñ bhī qubūl kar luuñ

    magar batāo baġhair mere jo rah na paa.e to kyā karoge

    vo jin meñ mere azaab tere sarāb ubhre ḳhvāb Duube

    vo saare lamhe tumhārī jānib palaT ke aa.e to kyā karoge

    baġhair dar ke kisī bhī ghar meñ ghire hue ho ye farz kar lo

    aur aise aalam meñ mil sake na jo merī raa.e to kyā karoge

    abhī to mere ġhilāf hāthoñ meñ mutma.in haiñ pe ba.ad mere

    jo āñdhiyoñ meñ charāġh apne ye thartharā.e to kyā karoge

    tumhārī āñkhoñ meñ aks merā agar na hogā to kaisā hogā

    samā.atoñ ke shajar pe panchhī na chahchahā.e to kyā karoge

    karoge kyā jo mire badan se dhueñ ik din lakīr uTThī

    lakīr se phir hazār chehre nikal ke aa.e to kyā karoge

    vo jin ḳhayāloñ meñ rah ke tum se mirī bhī pahchān kho ga.ī hai

    unhī ḳhayāloñ ke sab musāfir hue parā.e to kyā karoge

    ye sochte ho chalā gayā vo to chhat pe jāoge kis liye tum

    ki ab ke sāvan bārishoñ meñ jo sab nahā.e to kyā karoge

    haiñ dastaras meñ abhī bhī 'tāhir' uThā ke ab is ko bhī Daalo

    mushāhidoñ meñ ho ga.ī gar ye ThanDī chaa.e to kyā karoge

    ye muskuraate tamam sae hue parae to kya karoge

    hawa ne jab bhi mere badan ke diye bujhae to kya karoge

    tumhaari KHwahish pe umr bhar ki judaiyan bhi qubul kar lun

    magar batao baghair mere jo rah na pae to kya karoge

    wo jin mein mere azab tere sarab ubhre ya KHwab Dube

    wo sare lamhe tumhaari jaanib palaT ke aae to kya karoge

    baghair dar ke kisi bhi ghar mein ghire hue ho ye farz kar lo

    aur aise aalam mein mil sake na jo meri rae to kya karoge

    abhi to mere ghilaf hathon mein mutmain hain pe baad mere

    jo aandhiyon mein charagh apne ye thartharae to kya karoge

    tumhaari aankhon mein aks mera agar na hoga to kaisa hoga

    samaaton ke shajar pe panchhi na chahchahae to kya karoge

    karoge kya jo mere badan se dhuen ki ek din lakir uTThi

    lakir se phir hazar chehre nikal ke aae to kya karoge

    wo jin KHayalon mein rah ke tum se meri bhi pahchan kho gai hai

    unhi KHayalon ke sab musafir hue parae to kya karoge

    ye sochte ho chala gaya wo to chhat pe jaoge kis liye tum

    ki ab ke sawan ki barishon mein jo sab nahae to kya karoge

    hain dastaras mein abhi bhi 'tahir' uTha ke ab is ko pi bhi Dalo

    mushahidon mein hi ho gai gar ye ThanDi chae to kya karoge

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now