ye nashsha-e-agahi KHatarnak hai sar mein
ye nashsha-e-āgāhī ḳhatarnāk hai sar meñ
TuuTe haiñ mire paañv isī rāhguzar meñ
rim-jhim ke aqab-zār meñ bārāñ hai abhī aag
achchhā hai na dekhe vo mire dīda-e-tar meñ
sarmāya-e-jāñ yuuñ na uThā saare hijābāt
tū aañkh ke pardoñ kī badaulat hai nazar meñ
aañsū thā vo niklā to gayā toḌ ke har band
ḳhushbū thā ki ghar chhoḌ ke bhī rahtā hai ghar meñ
us bārgah-e-nāz se ham se fuqarā ko
ḳhairāt to miltī hai vale kāsa-e-sar meñ
rahtī haiñ mire saath vo āgāh nigāheñ
kuchh farq na thā varna mire aib-o-hunar meñ
ye nashsha-e-agahi KHatarnak hai sar mein
TuTe hain mere panw isi rahguzar mein
rim-jhim ke aqab-zar mein baran hai abhi aag
achchha hai na dekhe wo mere dida-e-tar mein
sarmaya-e-jaan yun na uTha sare hijabaat
tu aankh ke pardon ki badaulat hai nazar mein
aansu tha wo nikla to gaya toD ke har band
KHushbu tha ki ghar chhoD ke bhi rahta hai ghar mein
us bargah-e-naz se hum se fuqara ko
KHairaat to milti hai wale kasa-e-sar mein
rahti hain mere sath wo aagah nigahen
kuchh farq na tha warna mere aib-o-hunar mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
