ye raaz kaise khul gaya khoe hue the hum

ye raaz kaise khul gayā kho.e hue the ham

ik dūsre ke pyaar meñ Duube hue the ham

ham un ke dar pe pahuñche to rūThe hue the vo

vo paas jab bhī aa.e to TuuTe hue the ham

tak tak ke terā rāsta āñkheñ bhī bujh ga.iiñ

ik 'umr terī diid ko tarse hue the ham

milne se bhī na terī ḳhushī mil sakī hameñ

barsoñ kā dard jhel ke bichhḌe hue the ham

aa kar bahā ke le gayā tūfān jaane kab

kashtī meñ apne 'ishq kī Duube hue the ham

aanā bhī un kā dhokā thā jaanā bhī thā fareb

'maz.har' vo chhoḌ chal diye so.e hue the ham

ye raaz kaise khul gaya khoe hue the hum

ek dusre ke pyar mein Dube hue the hum

hum un ke dar pe pahunche to ruThe hue the wo

wo pas jab bhi aae to TuTe hue the hum

tak tak ke tera rasta aankhen bhi bujh gain

ek 'umr teri did ko tarse hue the hum

milne se bhi na teri KHushi mil saki hamein

barson ka dard jhel ke bichhDe hue the hum

aa kar baha ke le gaya tufan jaane kab

kashti mein apne 'ishq ki Dube hue the hum

aana bhi un ka dhoka tha jaana bhi tha fareb

'mazhar' wo chhoD chal diye soe hue the hum