یہ راز کیسے کھل گیا کھوئے ہوئے تھے ہم

یہ راز کیسے کھل گیا کھوئے ہوئے تھے ہم

اک دوسرے کے پیار میں ڈوبے ہوئے تھے ہم

ہم ان کے در پہ پہنچے تو روٹھے ہوئے تھے وہ

وہ پاس جب بھی آئے تو ٹوٹے ہوئے تھے ہم

تک تک کے تیرا راستہ آنکھیں بھی بجھ گئیں

اک عمر تیری دید کو ترسے ہوئے تھے ہم

ملنے سے بھی نہ تیری خوشی مل سکی ہمیں

برسوں کا درد جھیل کے بچھڑے ہوئے تھے ہم

آ کر بہا کے لے گیا طوفان جانے کب

کشتی میں اپنے عشق کی ڈوبے ہوئے تھے ہم

آنا بھی ان کا دھوکا تھا جانا بھی تھا فریب

مظہرؔ وہ چھوڑ چل دئے سوئے ہوئے تھے ہم