ye samne koi mere jaisa hai ki main hun

ye sāmne koī mire jaisā hai ki maiñ huuñ

ā.īna mirī aañkh kā dhoka hai ki maiñ huuñ

ai sāhib-e-shab tujh se mujhe pūchhnā ye hai

hamrāh mire sirf añdherā hai ki maiñ huuñ

bā'is to mire qatl kā hālāt haiñ mere

qātil mirā dushman hai ki duniyā hai ki maiñ huuñ

nuqsān hai maujūd kā lamhe kī masāfat

har vaqt mujhe vaqt kā dhaḌkā hai ki maiñ huuñ

ai ḳhauf-zada shaḳhs mire paas chalā aa

qismat tirī achchhī hai ye achchhā hai ki maiñ huuñ

tū ye to batā shahr meñ sailāb kā bā'is

qatra hai ki bārish hai ki dariyā hai ki maiñ huuñ

khultī hī nahīñ mujh pe haqīqat mirī apnī

'āsim' mire andar koī mujh sā hai ki maiñ huuñ

ye samne koi mere jaisa hai ki main hun

aaina meri aankh ka dhoka hai ki main hun

ai sahib-e-shab tujh se mujhe puchhna ye hai

hamrah mere sirf andhera hai ki main hun

ba'is to mere qatl ka haalat hain mere

qatil mera dushman hai ki duniya hai ki main hun

nuqsan hai maujud ka lamhe ki masafat

har waqt mujhe waqt ka dhaDka hai ki main hun

ai KHauf-zada shaKHs mere pas chala aa

qismat teri achchhi hai ye achchha hai ki main hun

tu ye to bata shahr mein sailab ka ba'is

qatra hai ki barish hai ki dariya hai ki main hun

khulti hi nahin mujh pe haqiqat meri apni

'asim' mere andar koi mujh sa hai ki main hun