ye socha hai kabhi tumne ki mazi mein kahan hum the

ye sochā hai kabhī tum ne ki maazī meñ kahāñ ham the

bhaTakte rāste tum the amīr-e-kārvāñ ham the

na jaane kitne afsāne chhupe the us ḳhamoshī meñ

jo tum mahsūs kar lete to jazboñ kī zabāñ ham the

har ik manzar se hotā thā gumāñ gauhar-fishānī kā

magar terī nazar meñ sirf sang-e-rā.egāñ ham the

haTā.e jā sake tum se na parde ajnabiyyat ke

maze kī baat to ye hai jahāñ tum the vahāñ ham the

zabānī taur par 'fahmī' se tum kyoñ bahs karte ho

kitābeñ paḌh ke dekho dāstāñ-dar-dāstāñ ham the

ye socha hai kabhi tum ne ki mazi mein kahan hum the

bhaTakte raste tum the amir-e-karwan hum the

na jaane kitne afsane chhupe the us KHamoshi mein

jo tum mahsus kar lete to jazbon ki zaban hum the

har ek manzar se hota tha guman gauhar-fishani ka

magar teri nazar mein sirf sang-e-raegan hum the

haTae ja sake tum se na parde ajnabiyyat ke

maze ki baat to ye hai jahan tum the wahan hum the

zabani taur par 'fahmi' se tum kyon bahs karte ho

kitaben paDh ke dekho dastan-dar-dastan hum the