ye takalluf ye mudaraat samajh mein aae

Ibrat Machlishahri

ye takalluf ye mudaraat samajh mein aae

Ibrat Machlishahri

MORE BY Ibrat Machlishahri

    ye takalluf ye mudārāt samajh meñ aa.e

    ho judā.ī to mulāqāt samajh meñ aa.e

    ruuh pyaas phuvāroñ se kahīñ bujhtī hai

    TuuT ke barse to barsāt samajh meñ aa.e

    jāgte lab mire aur us jhapaktī āñkheñ

    niiñd aa.e to kahāñ baat samajh meñ aa.e

    thī mauhūm tahaffuz ke gharauñde meñ panāh

    ret jab bikhrī to hālāt samajh meñ aa.e

    uñgliyāñ jism ke sab aib-o-hunar jāntī haiñ

    lams jaage to ik ik baat samajh meñ aa.e

    saikḌoñ haath mire qatl meñ Thahre haiñ sharīk

    ek do hoñ to koī baat samajh meñ aa.e

    kabhī utrā nahīñ us ke takalluf libās

    ho barahna to mulāqāt samajh meñ aa.e

    koī āsāñ nahīñ jal jal ke sahar kar lenā

    sham.a ban jaao to phir raat samajh meñ aa.e

    tum kisī ret ke Tiile pe khaḌe ho 'ibrat'

    uTThe tūfāñ to phir auqāt samajh meñ aa.e

    ye takalluf ye mudaraat samajh mein aae

    ho judai to mulaqat samajh mein aae

    ruh ki pyas phuwaron se kahin bujhti hai

    TuT ke barse to barsat samajh mein aae

    jagte lab mere aur us ki jhapakti aankhen

    nind aae to kahan baat samajh mein aae

    li thi mauhum tahaffuz ke gharaunde mein panah

    ret jab bikhri to haalat samajh mein aae

    ungliyan jism ke sab aib-o-hunar jaanti hain

    lams jage to ek ek baat samajh mein aae

    saikDon hath mere qatl mein Thahre hain sharik

    ek do hon to koi baat samajh mein aae

    kabhi utra hi nahin us ke takalluf ka libas

    ho barahna to mulaqat samajh mein aae

    koi aasan nahin jal jal ke sahar kar lena

    shama ban jao to phir raat samajh mein aae

    tum kisi ret ke Tile pe khaDe ho 'ibrat'

    uTThe tufan to phir auqat samajh mein aae

    Source:

    • Book : Aansuwon Ki Barat (Pg. 116)
    • Author : Ibrat Machhali Shahri
    • Publication : News Town Publishers (2013)
    • Edition : 2013
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY