ye visal-e-wasl ka tajraba tera aur hai mera aur hai

ye visāl-e-vasl kā tajraba tirā aur hai mirā aur hai

ki mohabbatoñ kā mu'āmla tirā aur hai mirā aur hai

shab-o-roz kā yahī silsila ki jo mushtarak hai tirā mirā

shab-o-roz kā yahī silsila tirā aur hai mirā aur hai

mirā dil hai merī panāh meñ tirā dil hai terī panāh meñ

magar iḳhtiyār kā mas.ala tirā aur hai mirā aur hai

mire ham-safar mire ham-qadam hameñ saath chalnā to hai magar

kisī ik maqām pe rāsta tirā aur hai mirā aur hai

tirī guftugū mirī guftugū sabhī ek tarz kī rū-barū

magar apne saath mu'āmla tirā aur hai mirā aur hai

yahī roz-o-shab tujhe dekhnā yahī bahr-o-bar mujhe dekhnā

magar ek ek mushāhida tirā aur hai mirā aur hai

jo mohabbateñ tirā khel haiñ vo mohabbateñ mirī jail haiñ

mirī jaañ vafā kā mu'āhida tirā aur hai mirā aur hai

ye visal-e-wasl ka tajraba tera aur hai mera aur hai

ki mohabbaton ka mu'amla tera aur hai mera aur hai

shab-o-roz ka yahi silsila ki jo mushtarak hai tera mera

shab-o-roz ka yahi silsila tera aur hai mera aur hai

mera dil hai meri panah mein tera dil hai teri panah mein

magar iKHtiyar ka masala tera aur hai mera aur hai

mere ham-safar mere ham-qadam hamein sath chalna to hai magar

kisi ek maqam pe rasta tera aur hai mera aur hai

teri guftugu meri guftugu sabhi ek tarz ki ru-baru

magar apne sath mu'amla tera aur hai mera aur hai

yahi roz-o-shab tujhe dekhna yahi bahr-o-bar mujhe dekhna

magar ek ek mushahida tera aur hai mera aur hai

jo mohabbaten tera khel hain wo mohabbaten meri jail hain

meri jaan wafa ka mu'ahida tera aur hai mera aur hai