ye zara sa kuchh aur ek-dam be-hisab sa kuchh

Rajinder Manchanda Bani

ye zara sa kuchh aur ek-dam be-hisab sa kuchh

Rajinder Manchanda Bani

MORE BYRajinder Manchanda Bani

    ye zarā kuchh aur ek-dam be-hisāb kuchh

    sar-e-shām siine meñ hāñptā hai sarāb kuchh

    vo chamak thī kyā jo pighal ga.ī hai navāh-e-jāñ meñ

    ki ye aañkh meñ kyā hai shola-e-zer-e-āb kuchh

    kabhī mehrbāñ aañkh se parakh is ko kyā hai ye shai

    hameñ kyuuñ hai siine meñ is sabab iztirāb kuchh

    vo fazā na jaane savāl karne ke ba.ad kyā thī

    ki hile to the lab, milā ho shāyad javāb kuchh

    mire chaar jānib ye khiñch ga.ī hai qanāt kaisī

    ye dhuāñ hai ḳhatm-e-safar TuuTe ḳhvāb kuchh

    vo kahe zarā kuchh to dil ko kyā kyā ḳhalal satā.e

    ki na jaane us hai baat meñ kyā ḳharāb kuchh

    na ye ḳhaak ijtināb koī rāsta de

    na uḌaan bharne de sar pe ye pech-o-tāb kuchh

    sar-e-sharh-o-iz.hār jaane kaisī havā chalī hai

    ki bikhar gayā hai suḳhan suḳhan intiḳhāb kuchh

    ye bahār-e-be-sāḳhta chalī aa.ī hai kahāñ se

    tan-e-zard meñ khil uThā hai piile gulāb kuchh

    are kyā batā.eñ havā-e-imkāñ ke khel kyā haiñ

    ki diloñ meñ bantā hai TūTtā hai habāb kuchh

    kabhī ek pal bhī na saañs khul ke ham ne 'bānī'

    rahā umr bhar bas-ki jism o jaañ meñ azaab kuchh

    ye zara sa kuchh aur ek-dam be-hisab sa kuchh

    sar-e-sham sine mein hanpta hai sarab sa kuchh

    wo chamak thi kya jo pighal gai hai nawah-e-jaan mein

    ki ye aankh mein kya hai shola-e-zer-e-ab sa kuchh

    kabhi mehrban aankh se parakh is ko kya hai ye shai

    hamein kyun hai sine mein is sabab iztirab sa kuchh

    wo faza na jaane sawal karne ke baad kya thi

    ki hile to the lab, mila ho shayad jawab sa kuchh

    mere chaar jaanib ye khinch gai hai qanat kaisi

    ye dhuan hai KHatm-e-safar ka ya TuTe KHwab sa kuchh

    wo kahe zara kuchh to dil ko kya kya KHalal satae

    ki na jaane us ki hai baat mein kya KHarab sa kuchh

    na ye KHak ka ijtinab hi koi rasta de

    na uDan bharne de sar pe ye pech-o-tab sa kuchh

    sar-e-sharh-o-izhaar jaane kaisi hawa chali hai

    ki bikhar gaya hai suKHan suKHan intiKHab sa kuchh

    ye bahaar-e-be-saKHta chali aai hai kahan se

    tan-e-zard mein khil uTha hai pile gulab sa kuchh

    are kya bataen hawa-e-imkan ke khel kya hain

    ki dilon mein banta hai TuTta hai habab sa kuchh

    kabhi ek pal bhi na sans li khul ke hum ne 'bani'

    raha umr bhar bas-ki jism o jaan mein azab sa kuchh

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now