یہ ضروری نہیں ہے جہاں دیکھنا
یہ ضروری نہیں ہے جہاں دیکھنا
وہ جدھر کو چلے بس وہاں دیکھنا
ان کی قسمت میں تھی ایسی منظر کشی
پنکھڑی سے لبوں پر دھواں دیکھنا
کوئی آتا نہیں کوئی جاتا نہیں
ایسا سنسان کوئی نشاں دیکھنا
پیڑ نے اپنے پھل کو سکھایا نہیں
دوسروں کے گھروں میں اماں دیکھنا
لے گیا جو بچھڑ کے ملا تھا ابھی
ایسے عالم میں دل کا سماں دیکھنا
عمر کہتی ہے چھوڑو برا یہ چلن
چلتے پھرتے نظر سے جواں دیکھنا
میں ترستا رہا تیرے ملنے کو یار
تو کہاں ہے ضمیرؔ اب کہاں دیکھنا
مأخذ:
غزلستان برار (Pg. 366)
-
- ناشر: ساجد اردو پریس، اکولہ
- سن اشاعت: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
