ye zindagī to bahut kam hai dostī ke liye
kahāñ se vaqt nikaltā hai dushmanī ke liye
ye aatī jaatī huī saañs zindagī ke liye
ik imtihān-e-musalsal hai aadmī ke liye
ye ahd-e-nau kā añdherā are ma.āz-allāh
taras rahe haiñ charāġh apnī raushnī ke liye
unheñ guloñ kā tabassum to dekh lene do
tamām-umr jo tarsā kiye hañsī ke liye
ye ahl-e-hosh mire rāste se haT jaa.eñ
bahut hai merā junūñ merī rahbarī ke liye
koī ruke ki chale gir paḌe ki thak jaa.e
guzartā vaqt Thahartā nahīñ kisī ke liye
kise ḳhabar thī ki jal jā.egā chaman 'shārib'
charāġh ham ne jalā.e the raushnī ke liye
ye zindagi to bahut kam hai dosti ke liye
kahan se waqt nikalta hai dushmani ke liye
ye aati jati hui sans zindagi ke liye
ek imtihan-e-musalsal hai aadmi ke liye
ye ahd-e-nau ka andhera are maaz-allah
taras rahe hain charagh apni raushni ke liye
unhen gulon ka tabassum to dekh lene do
tamam-umr jo tarsa kiye hansi ke liye
ye ahl-e-hosh mere raste se haT jaen
bahut hai mera junun meri rahbari ke liye
koi ruke ki chale gir paDe ki thak jae
guzarta waqt Thaharta nahin kisi ke liye
kise KHabar thi ki jal jaega chaman 'shaarib'
charagh hum ne jalae the raushni ke liye
Source:
Firdaus-e-Nazar (Pg. 140)
-
Author:
Sultan Haider Khan
-
- Publisher: Urdu Acadami U.P
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.