yun aah par jo aah kiye ja raha hun main

yuuñ aah par jo aah kiye jā rahā huuñ maiñ

phir ġham ko rū-ba-rāh kiye jā rahā huuñ maiñ

dekhā hai zarre zarre meñ maiñ ne jamāl-e-dost

har zarre ko gavāh kiye jā rahā huuñ maiñ

vo aa.eñ yā na aa.eñ magar un ke shauq meñ

āñkhoñ ko farsh-e-rāh kiye jā rahā huuñ maiñ

har-chand sharm se vo uThāte nahīñ nazar

āmāda-e-nigāh kiye jā rahā huuñ maiñ

ai rahmat-e-tamām mirā e'timād dekh

har lahza ik gunāh kiye jā rahā huuñ maiñ

anjām-e-kār-e-‘ishq hai ik āh-e-jāñ-gudāz

'ālam ko intibāh kiye jā rahā huuñ maiñ

un kī nigāh-e-nāz ko ḳhud chheḌ chheḌ kar

ik tīr-e-be-panāh kiye jā rahā huuñ maiñ

be-tere huuñ bhī yā ki nahīñ terī jaañ se duur

is meñ bhī ishtibāh kiye jā rahā huuñ maiñ

har raah se guzar ke milā hai ye rāsta

ab dil kī dil se raah kiye jā rahā huuñ maiñ

rah rah ke rakh rahe haiñ mire dil pe haath vo

tham tham ke aah aah kiye jā rahā huuñ maiñ

majbūr huuñ tabī'at-e-īzā-pasand se

phūloñ ko ḳhār-e-rāh kiye jā rahā huuñ maiñ

apnī nigāh-e-nāz ko tū dil banā ke dekh

dil ko tirī nigāh kiye jā rahā huuñ maiñ

sau baar us ko dekh ke sau baar hī 'junūñ'

āñkhoñ ko 'uzr-ḳhvāh kiye jā rahā huuñ maiñ

yun aah par jo aah kiye ja raha hun main

phir gham ko ru-ba-rah kiye ja raha hun main

dekha hai zarre zarre mein main ne jamal-e-dost

har zarre ko gawah kiye ja raha hun main

wo aaen ya na aaen magar un ke shauq mein

aankhon ko farsh-e-rah kiye ja raha hun main

har-chand sharm se wo uThate nahin nazar

aamada-e-nigah kiye ja raha hun main

ai rahmat-e-tamam mera e'timad dekh

har lahza ek gunah kiye ja raha hun main

anjam-e-kar-e-‘ishq hai ek aah-e-jaan-gudaz

'alam ko intibah kiye ja raha hun main

un ki nigah-e-naz ko KHud chheD chheD kar

ek tir-e-be-panah kiye ja raha hun main

be-tere hun bhi ya ki nahin teri jaan se dur

is mein bhi ishtibah kiye ja raha hun main

har rah se guzar ke mila hai ye rasta

ab dil ki dil se rah kiye ja raha hun main

rah rah ke rakh rahe hain mere dil pe hath wo

tham tham ke aah aah kiye ja raha hun main

majbur hun tabi'at-e-iza-pasand se

phulon ko KHar-e-rah kiye ja raha hun main

apni nigah-e-naz ko tu dil bana ke dekh

dil ko teri nigah kiye ja raha hun main

sau bar us ko dekh ke sau bar hi 'junun'

aankhon ko 'uzr-KHwah kiye ja raha hun main