یوں بھٹکنے میں کی ہے بسر زندگی
یوں بھٹکنے میں کی ہے بسر زندگی
جیسے آ جائے گی راہ پر زندگی
یہ کرو وہ نہیں وہ کرو یہ نہیں
ٹوکتی ہی رہی عمر بھر زندگی
اس طرف چل دیے تو کسی نے کہا
اس طرف آئیے ہے ادھر زندگی
اس طرف جائیے اس طرف جائیے
کس طرف جائیے ہے کدھر زندگی
تولتی بھی رہی ڈولتی بھی رہی
کچھ ادھر زندگی کچھ ادھر زندگی
کچھ پتا تو چلے کچھ خبر تو ملے
ہم کدھر جا رہے ہیں کدھر زندگی
ہم نہیں جانتے یہ نہیں جانتے
ہے خبر در خبر بے خبر زندگی
ہے کہیں سیکڑوں ایکڑوں کا محل
اور کہیں ایک کمرے کا گھر زندگی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
