yun bhi aawaz ko uncha nahin kar pae hum

yuuñ bhī āvāz ko ūñchā nahīñ kar paa.e ham

apne ġhusse pe bharosa nahīñ kar paa.e ham

aa badan ko hī tire haath lagā kar dekheñ

aag patthar se to paidā nahīñ kar paa.e ham

shakl duniyā kī badalnā to bahut duur kī baat

ek kamre ko bhī kamra nahīñ kar paa.e ham

jis meñ har baat kahī jaatī hai āsānī se

aise hālāt hī paidā nahīñ kar paa.e ham

koī sikka nahīñ chādar pe to hairat kyā hai

ik tamāsha kabhī puurā nahīñ kar paa.e ham

vo bhī un chand marīzoñ meñ hai shāmil 'shāriq'

muskurā kar jinheñ achchhā nahīñ kar paa.e ham

yun bhi aawaz ko uncha nahin kar pae hum

apne ghusse pe bharosa nahin kar pae hum

aa badan ko hi tere hath laga kar dekhen

aag patthar se to paida nahin kar pae hum

shakl duniya ki badalna to bahut dur ki baat

ek kamre ko bhi kamra nahin kar pae hum

jis mein har baat kahi jati hai aasani se

aise haalat hi paida nahin kar pae hum

koi sikka nahin chadar pe to hairat kya hai

ek tamasha kabhi pura nahin kar pae hum

wo bhi un chand marizon mein hai shamil 'shaariq'

muskura kar jinhen achchha nahin kar pae hum