aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

yun bhi to sataya hai teri jalwagari ne

Shahab Sarmadi

yun bhi to sataya hai teri jalwagari ne

Shahab Sarmadi

MORE BYShahab Sarmadi

    yuuñ bhī to satāyā hai tirī jalvagarī ne

    āñkheñ na milā.īñ mirī bāliġh-nazarī ne

    minnat-kash-e-pindār-e-junūñ hai dil-e-pur-ḳhūñ

    un bhī sahārā na liyā be-ḳhabarī ne

    ai husn-e-dil-ārā tirī ik ek adā ko

    parvān chaḌhāyā mirī hairat-nagarī ne

    thī marhala-e-saḳht vo manzil ki jahāñ par

    tum ko bhī sambhālā mirī āshufta-sarī ne

    tum ḳhud chale aaoge shāyad sar-e-manzil

    ik raah nikālī hai mirī dar-badarī ne

    ai ḳhastagī-e-ishq chaman meñ to guzar kar

    phūloñ bhī rakkhā hai bharam jāma-darī ne

    din raat kiye ek vo tūfān uThāyā

    ġhunchoñ ke liye mauj-e-nasīm-saharī ne

    afsos unheñ zauq-e-nazar ne girāyā

    parde jo uThā.e the mirī dīda-varī ne

    chup haiñ mah-o-mirrīḳh zamīñ hai mutabassim

    khīñchā hai zarā tuul umīd-e-basharī ne

    hairat mujhe is par hai 'shahāb'-e-suḳhan-ārā

    taakā na tujhe vasvasa-e-nāmvarī ne

    yun bhi to sataya hai teri jalwagari ne

    aankhen na milain meri baaligh-nazari ne

    minnat-kash-e-pindar-e-junun hai dil-e-pur-KHun

    un ka bhi sahaara na liya be-KHabari ne

    ai husn-e-dil-ara teri ek ek ada ko

    parwan chaDhaya meri hairat-nagari ne

    thi marhala-e-saKHt wo manzil ki jahan par

    tum ko bhi sambhaala meri aashufta-sari ne

    tum KHud hi chale aaoge shayad sar-e-manzil

    ek rah nikali hai meri dar-badari ne

    ai KHastagi-e-ishq chaman mein to guzar kar

    phulon ka bhi rakkha hai bharam jama-dari ne

    din raat kiye ek wo tufan uThaya

    ghunchon ke liye mauj-e-nasim-sahari ne

    afsos unhen zauq-e-nazar hi ne giraya

    parde jo uThae the meri dida-wari ne

    chup hain mah-o-mirriKH zamin hai mutabassim

    khincha hai zara tul umid-e-bashari ne

    hairat mujhe is par hai 'shahab'-e-suKHan-ara

    taka na tujhe waswasa-e-namwari ne

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now