yun hi qiston mein teri did ko marte jaen

yuuñ hī qistoñ meñ tirī diid ko marte jaa.eñ

kab talak rāh-e-havādis se guzarte jaa.eñ

jān-e-man jān-e-jigar jān-e-tamannā ye batā

ham tirī yaad meñ ab kitnā bikharte jaa.eñ

ek do zaḳhm nahīñ saarā badan hai chhalnī

duub kī tarh jo dab dab ke ubharte jaa.eñ

ek vo haiñ ki jinheñ aap kī qurbat hai nasīb

ek ham haiñ ki faqat naam pe marte jaa.eñ

mere dil meñ hai jagah aur rahegī daa.em

jab idhar se kabhī guzreñ to Thaharte jaa.eñ

ham jalāte raheñ har roz vafāoñ ke charāġh

aur vo jaan ke vā'doñ se mukarte jaa.eñ

chāhne vāloñ kī tā'dād baḌhegī 'nāshād'

jis tarah roz sañvarte haiñ sañvarte jaa.eñ

yun hi qiston mein teri did ko marte jaen

kab talak rah-e-hawadis se guzarte jaen

jaan-e-man jaan-e-jigar jaan-e-tamanna ye bata

hum teri yaad mein ab kitna bikharte jaen

ek do zaKHm nahin sara badan hai chhalni

dub ki tarh jo dab dab ke ubharte jaen

ek wo hain ki jinhen aap ki qurbat hai nasib

ek hum hain ki faqat nam pe marte jaen

mere dil mein hai jagah aur rahegi daem

jab idhar se kabhi guzren to Thaharte jaen

hum jalate rahen har roz wafaon ke charagh

aur wo jaan ke wa'don se mukarte jaen

chahne walon ki ta'dad baDhegi 'nashad'

jis tarah roz sanwarte hain sanwarte jaen