yun ishq-e-junun-KHez ko andar se nikala

yuuñ 'ishq-e-junūñ-ḳhez ko andar se nikālā

saudā thā jo vahshat kā use sar se nikālā

har jalve meñ thā husn mire husn-e-nazar se

manzar thā judā ḳhud ko jo manzar se nikālā

miTTī pe karam ḳhaas thā zarḳhezī-e-jāñ kā

ik nam thā jo darkār gul-e-tar se nikālā

rasta vo qanā'at ne dikhāyā mujhe jis ne

har hirs-e-jahāñ se havas-e-zar se nikālā

kholī hai tire dil kī girah phir ba-suhūlat

ik aur bhañvar dil ke samundar se nikālā

samjhāyā hai jannat ke liye marnā zarūrī

yuuñ us ne mujhe marne ke is Dar se nikālā

chhoḌā thā hameñ 'ishq ke girdāb meñ dil ne

phir 'aql ne aa kar hameñ chakkar se nikālā

pahle to rakhā raqs meñ parkār sā aur phir

markaz mirā chhīnā mujhe mehvar se nikālā

aate haiñ nā ab kāTne dīvār-o-dar-o-bām

kis zo'm pe tū ne thā mujhe ghar se nikālā

thā mujh ko yaqīñ hijr kī hai jāñ-kanī daa.im

phir vasl ne us 'arsa-e-mahshar se nikālā

mushkil jo paḌī mujh pe kabhī us kā karam hai

jis ne mujhe us hālat-e-abtar se nikālā

sad-shukr 'atā kī hai jagah aglī safoñ meñ

sad-shukr ki mujh ko saf-e-kam-tar se nikālā

is kār-e-suḳhan meñ ye hunar paayā hai 'nasrīñ'

gauhar jise kahte haiñ vo patthar se nikālā

yun 'ishq-e-junun-KHez ko andar se nikala

sauda tha jo wahshat ka use sar se nikala

har jalwe mein tha husn mere husn-e-nazar se

manzar tha juda KHud ko jo manzar se nikala

miTTi pe karam KHas tha zarKHezi-e-jaan ka

ek nam tha jo darkar gul-e-tar se nikala

rasta wo qana'at ne dikhaya mujhe jis ne

har hirs-e-jahan se hawas-e-zar se nikala

kholi hai tere dil ki girah phir ba-suhulat

ek aur bhanwar dil ke samundar se nikala

samjhaya hai jannat ke liye marna zaruri

yun us ne mujhe marne ke is Dar se nikala

chhoDa tha hamein 'ishq ke girdab mein dil ne

phir 'aql ne aa kar hamein chakkar se nikala

pahle to rakha raqs mein parkar sa aur phir

markaz mera chhina mujhe mehwar se nikala

aate hain na ab kaTne diwar-o-dar-o-baam

kis zo'm pe tu ne tha mujhe ghar se nikala

tha mujh ko yaqin hijr ki hai jaan-kani daim

phir wasl ne us 'arsa-e-mahshar se nikala

mushkil jo paDi mujh pe kabhi us ka karam hai

jis ne mujhe us haalat-e-abtar se nikala

sad-shukr 'ata ki hai jagah agli safon mein

sad-shukr ki mujh ko saf-e-kam-tar se nikala

is kar-e-suKHan mein ye hunar paya hai 'nasrin'

gauhar jise kahte hain wo patthar se nikala