yun na jaan ashk hamein jo gaya bana na mila

yuuñ na jaan ashk hameñ jo gayā baanā na milā

duur le jaa.e jo mujh se koī aisā na milā

ḳhālī haath ab ke guzarne na dī peḌoñ ne basant

patjhaḌ aa.ī to kisī shāḳh pe pattā na milā

apnā saaya hī Darātā ho to kis se kahiye

kahiye kis muñh se ki kis ko koī apnā na milā

aa.ina dekhne Thahre to nazar kaañp ga.ī

aur jo aks hamīñ ko hameñ aisā na milā

aañkh meñ dariyā liye phirte rahe barsoñ tak

jis ke siine meñ utar jaatā vo sahrā na milā

dar khulā thā to havā pyaar liye aa.ī thī

band hai to use bāhar koī apnā na milā

apnā hī jism badal jā.egā kab ilm thā 'ashk'

uTThe to kal jahāñ so.e the vo kamra na milā

yun na jaan ashk hamein jo gaya bana na mila

dur le jae jo mujh se koi aisa na mila

KHali hath ab ke guzarne na di peDon ne basant

patjhaD aai to kisi shaKH pe patta na mila

apna saya hi Daraata ho to kis se kahiye

kahiye kis munh se ki kis ko koi apna na mila

aaina dekhne Thahre to nazar kanp gai

aur jo aks hamin ko hamein aisa na mila

aankh mein dariya liye phirte rahe barson tak

jis ke sine mein utar jata wo sahra na mila

dar khula tha to hawa pyar liye aai thi

band hai to use bahar koi apna na mila

apna hi jism badal jaega kab ilm tha 'ashk'

uTThe to kal jahan soe the wo kamra na mila