yun tasawwur mein basar raat kiya karte the

yuuñ tasavvur meñ basar raat kiyā karte the

lab na khulte the magar baat kiyā karte the

haa.e vo raat ki sotī thī ḳhudā.ī saarī

ham kisī dar pe munājāt kiyā karte the

yaad hai bandagi-e-ahl-e-mohabbat jis par

aap bhī faḳhr o mabāhāt kiyā karte the

ham kabhī mo'takif-e-kunj-e-haram ho kar bhī

sajda-e-pīr-e-ḳharābāt kiyā karte the

yaad kartā hai usī ahd-e-guzishta ko 'shafīq'

jab tum altāf o ināyāt kiyā karte the

yun tasawwur mein basar raat kiya karte the

lab na khulte the magar baat kiya karte the

hae wo raat ki soti thi KHudai sari

hum kisi dar pe munajat kiya karte the

yaad hai bandagi-e-ahl-e-mohabbat jis par

aap bhi faKHr o mabahat kiya karte the

hum kabhi mo'takif-e-kunj-e-haram ho kar bhi

sajda-e-pir-e-KHarabaat kiya karte the

yaad karta hai usi ahd-e-guzishta ko 'shafiq'

jab tum altaf o inayat kiya karte the