yun to main nahin hun tere farman se bahar

Aashiq Husain Bazm Afandi

yun to main nahin hun tere farman se bahar

Aashiq Husain Bazm Afandi

MORE BYAashiq Husain Bazm Afandi

    yuuñ to maiñ nahīñ huuñ tire farmān se bāhar

    chāhūñ jo na tujh ko ye hai imkān se bāhar

    is rū-e-kitābī pe pasīna hai na ġhāza

    shāyad hai tar-o-ḳhushk isī qur.ān se bāhar

    mar kar bhī maiñ vahshat ke qaabū meñ rahūñgā

    ḳhaak uḌ ke na jā.egī bayābān se bāhar

    hai qabza-e-qudrat meñ ġham-e-ishq-e-haqīqī

    ab charḳh ye khānā hai tire ḳhvān se bāhar

    DyoḌhī meñ mahal hameñ jo chāhe sunā le

    samjheñge kisī din tire darbān se bāhar

    gosh-e-dil-o-jāñ meñ haiñ amānat tirī bāteñ

    motī kabhī nikleñge na is kaan se bāhar

    ghar baiThe ho kis tarah tire husn shohrā

    yūsuf ko milā martaba kan.ān se bāhar

    phir nikleñ mah-o-mehr chamak kar to maiñ jānūñ

    be-parda agar aao tum aivān se bāhar

    vo basta-e-zanjīr-e-ḳhamoshī huuñ ki tā-hashr

    nikle mire naale bhī na zindān se bāhar

    chāroñ taraf ik dam meñ na.ī chāñdnī chhiTkī

    shab ko nikal aa.e jo vo dālān se bāhar

    nashshe meñ unhīñ ke mujhe darkār haiñ bose

    jo pista-e-ḳhandāñ haiñ gazak-dān se bāhar

    sajda tumheñ kar baiTheñge kuffār-o-musalmāñ

    ab ke bhī agar aaoge is shaan se bāhar

    ab haath magar gardan-e-nāzuk meñ paḌā hai

    hogā na gila un garebān se bāhar

    sābit-qadam-e-ma.arka aa pahuñche ab ai ishq

    sar de ke bhī jā.eñge na maidān se bāhar

    ġhairoñ ke tasavvur meñ rasā.ī huī kyūñkar

    kis vaqt ga.e aap mire dhyān se bāhar

    ausāf-e-qad-e-yār bhī mauzūñ karo ai 'bazm'

    kyoñ nuur misrā rahe dīvān se bāhar

    yun to main nahin hun tere farman se bahar

    chahun jo na tujh ko ye hai imkan se bahar

    is ru-e-kitabi pe pasina hai na ghaza

    shayad hai tar-o-KHushk isi quran se bahar

    mar kar bhi main wahshat hi ke qabu mein rahunga

    KHak uD ke na jaegi bayaban se bahar

    hai qabza-e-qudrat mein gham-e-ishq-e-haqiqi

    ab charKH ye khana hai tere KHwan se bahar

    DyoDhi mein mahal ki hamein jo chahe suna le

    samjhenge kisi din tere darban se bahar

    gosh-e-dil-o-jaan mein hain amanat teri baaten

    moti kabhi niklenge na is kan se bahar

    ghar baiThe ho kis tarah tere husn ka shohra

    yusuf ko mila martaba kanan se bahar

    phir niklen mah-o-mehr chamak kar to main jaanun

    be-parda agar aao tum aiwan se bahar

    wo basta-e-zanjir-e-KHamoshi hun ki ta-hashr

    nikle mere nale bhi na zindan se bahar

    chaaron taraf ek dam mein nai chandni chhiTki

    shab ko nikal aae jo wo dalan se bahar

    nashshe mein unhin ke mujhe darkar hain bose

    jo pista-e-KHandan hain gazak-dan se bahar

    sajda tumhein kar baiThenge kuffar-o-musalman

    ab ke bhi agar aaoge is shan se bahar

    ab hath magar gardan-e-nazuk mein paDa hai

    hoga na gila un ka gareban se bahar

    sabit-qadam-e-marka aa pahunche ab ai ishq

    sar de ke bhi jaenge na maidan se bahar

    ghairon ke tasawwur mein rasai hui kyunkar

    kis waqt gae aap mere dhyan se bahar

    ausaf-e-qad-e-yar bhi mauzun karo ai 'bazm'

    kyon nur ka misra rahe diwan se bahar

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY