yun to nahin ki pahle sahaare banae the

yuuñ to nahīñ ki pahle sahāre banā.e the

dariyā banā ke us ne kināre banā.e the

kuuze banāne vaale ko ujlat ajiib thī

puure nahīñ banā.e the saare banā.e the

ab ishrat-o-nashāt kā sāmān huuñ to huuñ

ham ne to diip ḳhauf ke maare banā.e the

dī hai usī ne pyaas bujhāne ko aag bhī

paanī se jis ne jism hamāre banā.e the

phir yuuñ huā ki us kī zabāñ kaaT dī ga.ī

vo jis ne guftugū ke ishāre banā.e the

sahrā pe bādaloñ kā hunar khul nahīñ sakā

qatre banā.e the ki sharāre banā.e the

'shāhid' ḳhafā thā kātib-e-taqdīr is liye

ham ne zamīñ pe apne sitāre banā.e the

yun to nahin ki pahle sahaare banae the

dariya bana ke us ne kinare banae the

kuze banane wale ko ujlat ajib thi

pure nahin banae the sare banae the

ab ishrat-o-nashat ka saman hun to hun

hum ne to dip KHauf ke mare banae the

di hai usi ne pyas bujhane ko aag bhi

pani se jis ne jism hamare banae the

phir yun hua ki us ki zaban kaT di gai

wo jis ne guftugu ke ishaare banae the

sahra pe baadalon ka hunar khul nahin saka

qatre banae the ki sharare banae the

'shahid' KHafa tha katib-e-taqdir is liye

hum ne zamin pe apne sitare banae the