یوں ہی بے نام تعلق میں نہ مارے جاتے

یوں ہی بے نام تعلق میں نہ مارے جاتے

اچھا ہوتا جو ترے حسن پہ وارے جاتے

بارہا ہم نے اسے رو کے کہا ہے صاحب

دن جدائی کے نہیں ہم سے گزارے جاتے

ہم کو معلوم نہ تھا آج مگر سوچا ہے

تیری زلفوں کی طرح بخت سنوارے جاتے

اس لیے ہم نے جوانی کو یہاں بیچ دیا

بے نواؤں سے کہاں قرض اتارے جاتے

آج شدت سے یہ احساس ہوا ہے جاناں

ہم کبھی اپنے حوالے سے پکارے جاتے

ڈوبنا اپنے مقدر میں لکھا تھا تنہاؔ

کیوں نہ پھر دور سفینے سے کنارے جاتے