zabt-e-alam se dil hai pareshāñ is dil ko samjhā.e kaun
āñkhoñ se aañsū girte haiñ ḳhuuñ in ko rulvā.e kaun
chaak hai dāman chāk-garebāñ aql-o-ḳhirad sab chhoḌ ga.e
mausam-e-gul ke hangāme kī āḳhir yaad dilā.e kaun
un kā sabāt hai kitne din kā pūchh lo jā kar phūloñ se
ḳhanda-e-gul yā jashn-e-bahārāñ un se dhokā khaa.e kaun
mahfil-e-mai hai tishna-labī hai pās-e-adab to lāzim hai
maanā ki izn-e-ām hai saaqī baḌh ke jaam uThā.e kaun
dekh ke jalva ḳhīra haiñ āñkheñ hosh meñ aanā mushkil hai
aap hī kah deñ harf-e-tamannā apnī zabāñ par laa.e kaun
jām-o-subū haiñ raqs meñ lekin chup sī lagī hai 'manzar' ko
aage tasavvur kī duniyā meñ dil kī aag bujhā.e kaun
zabt-e-alam se dil hai pareshan is dil ko samjhae kaun
aankhon se aansu girte hain KHun in ko rulwae kaun
chaak hai daman chaak-gareban aql-o-KHirad sab chhoD gae
mausam-e-gul ke hangame ki aaKHir yaad dilae kaun
un ka sabaat hai kitne din ka puchh lo ja kar phulon se
KHanda-e-gul ya jashn-e-bahaaran un se dhoka khae kaun
mahfil-e-mai hai tishna-labi hai pas-e-adab to lazim hai
mana ki izn-e-am hai saqi baDh ke jam uThae kaun
dekh ke jalwa KHira hain aankhen hosh mein aana mushkil hai
aap hi kah den harf-e-tamanna apni zaban par lae kaun
jam-o-subu hain raqs mein lekin chup si lagi hai 'manzar' ko
aage tasawwur ki duniya mein dil ki aag bujhae kaun
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.