zahr deta hai mujhe wo na dawa deta hai

zahr detā hai mujhe vo na davā detā hai

merī hastī ko nigāhoñ se jalā detā hai

saarī duniyā se mohabbat kā hai dā'vā us ko

merī rāhoñ meñ jo kāñToñ ko bichhā detā hai

us se bichhḌe hue maanā ki zamāne guzre

yaad aatā hai to āñkhoñ ko rulā detā hai

us kī zid hai ki judā.ī hai muqaddar sab kā

peḌ par baiThe parindoñ ko uḌā detā hai

maiñ ne ḳhvāboñ ke darīchoñ se pukārā us ko

vo bhī bhaTkī huī rāhoñ se sadā detā hai

laakh kartī rahī maiñ dil se bhulāne kī sa'ī

aa.ina phir bhī mujhe us se milā detā hai

dil to mā'sūm thā mā'sūm rahegā yūñhī

jab bhī miltā hai mirā dard baḌhā detā hai

naam le kar maiñ use kaise bulā.ūñ 'asmā'

saarī duniyā ko mire raaz batā detā hai

zahr deta hai mujhe wo na dawa deta hai

meri hasti ko nigahon se jala deta hai

sari duniya se mohabbat ka hai da'wa us ko

meri rahon mein jo kanTon ko bichha deta hai

us se bichhDe hue mana ki zamane guzre

yaad aata hai to aankhon ko rula deta hai

us ki zid hai ki judai hai muqaddar sab ka

peD par baiThe parindon ko uDa deta hai

main ne KHwabon ke darichon se pukara us ko

wo bhi bhaTki hui rahon se sada deta hai

lakh karti rahi main dil se bhulane ki sa'i

aaina phir bhi mujhe us se mila deta hai

dil to ma'sum tha ma'sum rahega yunhi

jab bhi milta hai mera dard baDha deta hai

nam le kar main use kaise bulaun 'asma'

sari duniya ko mere raaz bata deta hai