zahr hi dijiye ya dawa dijiye

zahr hī dījiye yā davā dījiye

aap ke dil meñ kyā hai batā dījiye

ye bahāreñ mire ghar ab aatī nahīñ

aap aa kar kabhī muskurā dījiye

aap kī aarzū aap kī justujū

merī manzil kā mujh ko pata dījiye

dījiye dījiye merī jaañ dījiye

kuchh mire dard kī bhī davā dījiye

mere hamdam maiñ majnūñ se kam to nahīñ

aap bhī lailā ban kar dikhā dījiye

dhaḌkaneñ ruk na jaa.eñ kahīñ dil kī ab

mere siina se sar ab haTā dījiye

'iid kī raat khiḌkī pe aa jā.iye

kuchh du'ā lījiye kuchh du'ā dījiye

aap rakhiye bharam kuchh mire 'ishq kā

naam likhiye mirā phir miTā dījiye

aap ko dekhne ruk ga.ī hai sabā

ek baar apnā āñchal hilā dījiye

aap se hāl-e-dil koī pūchhe sanam

ik ġhazal merī us ko sunā dījiye

jab bhī iz.hār-e-ulfat kā vaqt aa.e to

bas ġhazal merī mujh ko sunā dījiye

ye tasallī bahut hai mire 'ishq ko

ho kisī se vafā bas nibhā dījiye

ġhamgusāroñ se hai ye mirī iltijā

āḳhirī dam hai un ko bulā dījiye

zahr hi dijiye ya dawa dijiye

aap ke dil mein kya hai bata dijiye

ye bahaaren mere ghar ab aati nahin

aap aa kar kabhi muskura dijiye

aap ki aarzu aap ki justuju

meri manzil ka mujh ko pata dijiye

dijiye dijiye meri jaan dijiye

kuchh mere dard ki bhi dawa dijiye

mere hamdam main majnun se kam to nahin

aap bhi laila ban kar dikha dijiye

dhaDkanen ruk na jaen kahin dil ki ab

mere sina se sar ab haTa dijiye

'id ki raat khiDki pe aa jaiye

kuchh du'a lijiye kuchh du'a dijiye

aap rakhiye bharam kuchh mere 'ishq ka

nam likhiye mera phir miTa dijiye

aap ko dekhne ruk gai hai saba

ek bar apna aanchal hila dijiye

aap se haal-e-dil koi puchhe sanam

ek ghazal meri us ko suna dijiye

jab bhi izhaar-e-ulfat ka waqt aae to

bas ghazal meri mujh ko suna dijiye

ye tasalli bahut hai mere 'ishq ko

ho kisi se wafa bas nibha dijiye

ghamgusaron se hai ye meri iltija

aaKHiri dam hai un ko bula dijiye