zahr ke ghunT bhi hans hans ke piye jate hain

Iqbal Azeem

zahr ke ghunT bhi hans hans ke piye jate hain

Iqbal Azeem

MORE BYIqbal Azeem

    zahr ke ghūñT bhī hañs hañs ke piye jaate haiñ

    ham bahar-hāl salīqe se jiye jaate haiñ

    ek din ham bhī bahut yaad kiye jā.eñge

    chand afsāne zamāne ko diye jaate haiñ

    ham ko duniyā se mohabbat bhī bahut hai lekin

    laakh ilzām bhī duniyā ko diye jaate haiñ

    bazm-e-aġhyār sahī az-rah-e-tanqīd sahī

    shukr hai ham bhī kahīñ yaad kiye jaate haiñ

    ham kiye jaate haiñ taqlīd-e-rivāyāt-e-junūñ

    aur ḳhud chāk-e-girebāñ bhī siye jaate haiñ

    ġham ne baḳhshī hai ye mohtāt-mizājī ham ko

    zaḳhm bhī khāte haiñ aañsū bhī piye jaate haiñ

    haal Thiik hai 'iqbāl' na fardā yaqīñ

    jaane kyā baat hai ham phir bhī jiye jaate haiñ

    zahr ke ghunT bhi hans hans ke piye jate hain

    hum bahar-haal saliqe se jiye jate hain

    ek din hum bhi bahut yaad kiye jaenge

    chand afsane zamane ko diye jate hain

    hum ko duniya se mohabbat bhi bahut hai lekin

    lakh ilzam bhi duniya ko diye jate hain

    bazm-e-aghyar sahi az-rah-e-tanqid sahi

    shukr hai hum bhi kahin yaad kiye jate hain

    hum kiye jate hain taqlid-e-riwayat-e-junun

    aur KHud chaak-e-gireban bhi siye jate hain

    gham ne baKHshi hai ye mohtat-mizaji hum ko

    zaKHm bhi khate hain aansu bhi piye jate hain

    haal ka Thik hai 'iqbaal' na farda ka yaqin

    jaane kya baat hai hum phir bhi jiye jate hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY