zaKHm-e-dil ho agar hara rakhna

zaḳhm-e-dil ho agar harā rakhnā

husn vāloñ se fāsla rakhnā

dostī pyaar meñ badal jaa.e

milne-julne kā silsila rakhnā

zindagī kī duā.eñ yuuñ denā

zahr ke saath hī davā rakhnā

duur jaanā hai to chale jaao

lauT aane kā rāsta rakhnā

jiit jaane kā shauq hai tum ko

hārne kā bhī hausla rakhnā

rāsta jo bhī iḳhtiyār karo

apnī manzil ko aa.ina rakhnā

har kisī meñ hunar nahīñ hotā

apne lahje meñ ik adā rakhnā

chāhte ho jo pyaar apno se

duur rishtoñ se tum anā rakhnā

shor barpā hai dil ke 'sāgar' meñ

aaj mushkil hai ġham chhupā rakhnā

zaKHm-e-dil ho agar hara rakhna

husn walon se fasla rakhna

dosti pyar mein badal jae

milne-julne ka silsila rakhna

zindagi ki duaen yun dena

zahr ke sath hi dawa rakhna

dur jaana hai to chale jao

lauT aane ka rasta rakhna

jit jaane ka shauq hai tum ko

haarne ka bhi hausla rakhna

rasta jo bhi iKHtiyar karo

apni manzil ko aaina rakhna

har kisi mein hunar nahin hota

apne lahje mein ek ada rakhna

chahte ho jo pyar apno se

dur rishton se tum ana rakhna

shor barpa hai dil ke 'sagar' mein

aaj mushkil hai gham chhupa rakhna