زخم دل ہو اگر ہرا رکھنا

روپ ساگر

زخم دل ہو اگر ہرا رکھنا

روپ ساگر

MORE BYروپ ساگر

    زخم دل ہو اگر ہرا رکھنا

    حسن والوں سے فاصلہ رکھنا

    دوستی پیار میں بدل جائے

    ملنے جلنے کا سلسلہ رکھنا

    زندگی کی دعائیں یوں دینا

    زہر کے ساتھ ہی دوا رکھنا

    دور جانا ہے تو چلے جاؤ

    لوٹ آنے کا راستہ رکھنا

    جیت جانے کا شوق ہے تم کو

    ہارنے کا بھی حوصلہ رکھنا

    راستہ جو بھی اختیار کرو

    اپنی منزل کو آئنہ رکھنا

    ہر کسی میں ہنر نہیں ہوتا

    اپنے لہجے میں اک ادا رکھنا

    چاہتے ہو جو پیار اپنو سے

    دور رشتوں سے تم انا رکھنا

    شور برپا ہے دل کے ساگرؔ میں

    آج مشکل ہے غم چھپا رکھنا

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY