زخم الفت عیاں نہیں ہوتا
زخم الفت عیاں نہیں ہوتا
آنکھ سے خوں رواں نہیں ہوتا
حسن کو صرف وہم ہے ورنہ
عشق تو بد گماں نہیں ہوتا
کوئی منزل بھلا قدم چومے
عزم جب تک جواں نہیں ہوتا
دیکھیے تو نقاب الٹ کے ذرا
چاند کب تک عیاں نہیں ہوتا
دیکھ کر غمزدہ سے کچھ چہرے
درد دل کیوں عیاں نہیں ہوتا
کوہ و صحرا ہو دشت ایمن ہو
گزر اپنا کہاں نہیں ہوتا
پھول کیسے وہاں نہ خار لگیں
ذکر تیرا جہاں نہیں ہوتا
میں تو کیا دل بھی میرا اس کا ہے
جو کبھی مہرباں نہیں ہوتا
زور طوفاں ہے دور ساحل ہے
ناخدا مہرباں نہیں ہوتا
رازداں کس کو کس طرح سمجھوں
راز دل تو بیاں نہیں ہوتا
شعریت شعر میں ہو کیسے نظیرؔ
ذہن جب تک رواں نہیں ہوتا
مأخذ:
Shahr Dar Shahr (Pg. 98)
- مصنف: نظیر رامپوری
-
- اشاعت: 1997
- ناشر: مکتبہ ارتقائے ادب، کراچی
- سن اشاعت: 1997
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
