zaKHm thoDi si KHushi de ke chale jate hain
zaḳhm thoḌī sī ḳhushī de ke chale jaate haiñ
ḳhushk āñkhoñ ko namī de ke chale jaate haiñ
roz aate haiñ ujāle mire andhe ghar meñ
roz ik tīra-shabī de ke chale jaate haiñ
in kirā.e ke gharoñ se to maiñ be-ghar achchhā
nit-na.ī dar-badrī de chale jaate haiñ
zā.iqa muddatoñ rahtā hai mire hoñToñ par
vo zarā sī jo hañsī de ke chale jaate haiñ
shab-gizārī ke liye raushnī māñgūñ jin se
vo charāġh-e-saharī de ke chale jaate haiñ
iḳhtilāfāt usī mausam-e-gul se haiñ jo 'shād'
ḳhār-baḳhtoñ ko kalī de ke chale jaate haiñ
zaKHm thoDi si KHushi de ke chale jate hain
KHushk aankhon ko nami de ke chale jate hain
roz aate hain ujale mere andhe ghar mein
roz ek tira-shabi de ke chale jate hain
in kirae ke gharon se to main be-ghar achchha
nit-nai dar-badri de chale jate hain
zaiqa muddaton rahta hai mere honTon par
wo zara si jo hansi de ke chale jate hain
shab-gizari ke liye raushni mangun jin se
wo charagh-e-sahari de ke chale jate hain
iKHtilafat usi mausam-e-gul se hain jo 'shad'
KHar-baKHton ko kali de ke chale jate hain
- Book : Beesveen Sadi Ki Behtareen Ishqiya Ghazlen (Pg. 199)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
