zaman-e-hijr miTe daur-e-wasl-e-yar aae

Akhtar Shirani

zaman-e-hijr miTe daur-e-wasl-e-yar aae

Akhtar Shirani

MORE BYAkhtar Shirani

    zamān-e-hijr miTe daur-e-vasl-e-yār aa.e

    ilāhī ab to ḳhizāñ jaa.e aur bahār aa.e

    sitam-zarīfī-e-fitrat ye kyā muamma hai

    ki jis kalī ko bhī sūñghūñ maiñ bū-e-yār aa.e

    chaman har kalī āmāda-e-tabassum hai

    bahār ban ke mirī jān-e-nau-bahār aa.e

    haiñ tishna-kām ham un bādaloñ se pūchhe koī

    kahāñ bahār pariyoñ ke taḳht utaar aa.e

    tire ḳhayāl be-tābiyāñ ma.āz-allāh

    ki ek baar bhulā.eñ to laakh baar aa.e

    vo aa.eñ yuuñ mire āġhosh-e-ishq meñ 'aḳhtar'

    ki jaise āñkhoñ meñ ik ḳhvāb-e-be-qarār aa.e

    zaman-e-hijr miTe daur-e-wasl-e-yar aae

    ilahi ab to KHizan jae aur bahaar aae

    sitam-zarifi-e-fitrat ye kya muamma hai

    ki jis kali ko bhi sunghun main bu-e-yar aae

    chaman ki har kali aamada-e-tabassum hai

    bahaar ban ke meri jaan-e-nau-bahaar aae

    hain tishna-kaam hum un baadalon se puchhe koi

    kahan bahaar ki pariyon ke taKHt utar aae

    tere KHayal ki be-tabiyan maaz-allah

    ki ek bar bhulaen to lakh bar aae

    wo aaen yun mere aaghosh-e-ishq mein 'aKHtar'

    ki jaise aankhon mein ek KHwab-e-be-qarar aae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY