zamana tha hi nahin tu bhi ab mera nahin hai

zamāna thā hī nahīñ tū bhī ab mirā nahīñ hai

aur is pe zulm ki ye merā vāhima nahīñ hai

tumhāre harf-e-tasallī se hal nahīñ hogā

batā.ūñ kyā ki mohabbat kā mas.ala nahīñ hai

maiñ us ke ḳhauf se rātoñ ko so nahīñ saktā

vo sāniha jo abhī rūnumā huā nahīñ hai

miyān-e-hijr hī ye raaz bhī khulā mujh par

mirā vujūd hai tujh se tire sivā nahīñ hai

rukūñ to peḌ nahīñ koī sāya-dār yahāñ

chalūñ to shahr meñ chalne kā rāsta nahīñ hai

kisī tarah maiñ yahāñ jī gayā magar duniyā

jo sach kahūñ kisī pahlū se ḳhushnumā nahīñ hai

du'ā.eñ karte hue log ab ye sochte haiñ

hamāre shahr meñ shāyad koī ḳhudā nahīñ hai

maiñ is liye bhī taḌaptā huuñ tujh se milne ko

akelā shaḳhs kisī dard kī davā nahīñ hai

zamana tha hi nahin tu bhi ab mera nahin hai

aur is pe zulm ki ye mera wahima nahin hai

tumhaare harf-e-tasalli se hal nahin hoga

bataun kya ki mohabbat ka masala nahin hai

main us ke KHauf se raaton ko so nahin sakta

wo saniha jo abhi runuma hua nahin hai

miyan-e-hijr hi ye raaz bhi khula mujh par

mera wujud hai tujh se tere siwa nahin hai

rukun to peD nahin koi saya-dar yahan

chalun to shahr mein chalne ka rasta nahin hai

kisi tarah main yahan ji gaya magar duniya

jo sach kahun kisi pahlu se KHushnuma nahin hai

du'aen karte hue log ab ye sochte hain

hamare shahr mein shayad koi KHuda nahin hai

main is liye bhi taDapta hun tujh se milne ko

akela shaKHs kisi dard ki dawa nahin hai