زمانے کی طرح ہمدم نہ ہونا
زمانے کی طرح ہمدم نہ ہونا
خطاؤں پر میری برہم نہ ہونا
مسائل دوریاں ہرگز نہیں تھیں
مسائل دوریوں کا کم نہ ہونا
یہی تو رات ہونے کا سبب ہے
زمیں کا شمس کا باہم نہ ہونا
چلے آؤ محبت کا ہے موسم
دوبارہ یہ حسیں موسم نہ ہونا
عجب بستی تمہارے دل کی بستی
کسی غم کا جہاں ماتم نہ ہونا
مرے دل کی یہی تکلیف ٹھہری
بچھڑتے وقت آنکھیں نم نہ ہونا
اشارہ ہے یہ شام زندگی کا
مرے دل میں تمہارا غم نہ ہونا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.