زمین دے گا مگر آسمان مانگے گا

زمین دے گا مگر آسمان مانگے گا

مرے وجود سے وہ سائبان مانگے گا

میں چند پل جو اسے تھوڑا آسرا دے دوں

پھر عمر بھر کے لئے کل جہان مانگے گا

وہ جانتا ہے نشانہ اچوک ہے میرا

وہ مجھ سے ٹوٹی ہوئی بھی کمان مانگے گا

ہر ایک گام پہ تو نے کیا ہے قتل مرا

تو کتنی دفعہ مری اور جان مانگے گا

تری زبان میں تجھ کو جواب دوں میں اگر

حساب مجھ سے مرا خاندان مانگے گا

میں جانتی ہوں سر بزم آئے گا وہ اور

مرا جواب اسی درمیان مانگے گا

اگر وہ جان بھی مانگے خوشی خوشی دے دوں

مگر وہ کچھ بھی کہاں بے زبان مانگے گا