zamin hogi kisi qatil ka daman hum na kahte the

zamīñ hogī kisī qātil kā dāmāñ ham na kahte the

akārat jā.egā ḳhūn-e-shahīdāñ ham na kahte the

ilāj-e-chāk-e-pairāhan huā to is tarah hogā

siyā jā.egā kāñToñ se garebāñ ham na kahte the

tarāne kuchh diye lafzoñ meñ ḳhud ko qaid kar leñge

ajab andāz se phailegā zindāñ ham na kahte the

koī itnā na hogā laash bhī le jā ke dafnā de

inhīñ saḌkoñ pe mar jā.egā insāñ ham na kahte the

nazar lipTī hai sholoñ meñ lahū taptā hai āñkhoñ meñ

uThā hī chāhtā hai koī tūfāñ ham na kahte the

chhalakte jaam meñ bhīgī huī āñkheñ utar aa.iiñ

satā.egī kisī din yād-e-yārāñ ham na kahte the

na.ī tahzīb kaise lucknow ko raas aa.egī

ujaḌ jā.egā ye shahr-e-ġhazālāñ ham na kahte the

zamin hogi kisi qatil ka daman hum na kahte the

akarat jaega KHun-e-shahidan hum na kahte the

ilaj-e-chaak-e-pairahan hua to is tarah hoga

siya jaega kanTon se gareban hum na kahte the

tarane kuchh diye lafzon mein KHud ko qaid kar lenge

ajab andaz se phailega zindan hum na kahte the

koi itna na hoga lash bhi le ja ke dafna de

inhin saDkon pe mar jaega insan hum na kahte the

nazar lipTi hai sholon mein lahu tapta hai aankhon mein

uTha hi chahta hai koi tufan hum na kahte the

chhalakte jam mein bhigi hui aankhen utar aain

sataegi kisi din yaad-e-yaran hum na kahte the

nai tahzib kaise lucknow ko ras aaegi

ujaD jaega ye shahr-e-ghazalan hum na kahte the