zamin kisi ki sahi aasman mera hai
zamīñ kisī kī sahī āsmān merā hai
maiñ uḌ rahā huuñ ki maqsad uḌaan merā hai
tamām log aziyyat meñ kāTte rahe din
maiñ is gumāñ meñ rahā imtihān merā hai
ye soch kar bhī yahāñ koī phuul ugātā nahīñ
kirā.e-dār huuñ maiñ kab makān merā hai
maiñ māntā nahīñ ḳhud-sāḳhta lakīroñ ko
zamīn merī hai saarā jahān merā hai
jo mahv-e-jashn haiñ 'maz.har' vo log mere nahīñ
jo kaT gayā hai vahī ḳhāndān merā hai
zamin kisi ki sahi aasman mera hai
main uD raha hun ki maqsad uDan mera hai
tamam log aziyyat mein kaTte rahe din
main is guman mein raha imtihan mera hai
ye soch kar bhi yahan koi phul ugata nahin
kirae-dar hun main kab makan mera hai
main manta nahin KHud-saKHta lakiron ko
zamin meri hai sara jahan mera hai
jo mahw-e-jashn hain 'mazhar' wo log mere nahin
jo kaT gaya hai wahi KHandan mera hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
