zamin par qahr Dhaya ja raha hai

zamīñ par qahr Dhāyā jā rahā hai

falak par ghar banāyā jā rahā hai

ḳhudā kā naam le kar har taraf se

ḳhudā kā naam uThāyā jā rahā hai

mujhe sahrā se naddī ke safar tak

ka.ī qistoñ meñ laayā jā rahā hai

farāvānī ko merī kyā huā ye

mujhe kyoñ kam sā paayā jā rahā hai

nahīñ hai raqs meñ dilchaspī us ko

mujhe phir bhī nachāyā jā rahā hai

jo pahle bhuuk thī ab hai vo 'ādat

so apnā maañs khāyā jā rahā hai

kahīñ jaane kī tayyārī hai 'sānī'

baḌī jaldī nahāyā jā rahā hai

zamin par qahr Dhaya ja raha hai

falak par ghar banaya ja raha hai

KHuda ka nam le kar har taraf se

KHuda ka nam uThaya ja raha hai

mujhe sahra se naddi ke safar tak

kai qiston mein laya ja raha hai

farawani ko meri kya hua ye

mujhe kyon kam sa paya ja raha hai

nahin hai raqs mein dilchaspi us ko

mujhe phir bhi nachaya ja raha hai

jo pahle bhuk thi ab hai wo 'adat

so apna mans khaya ja raha hai

kahin jaane ki tayyari hai 'sani'

baDi jaldi nahaya ja raha hai