ذرا سے نور پر اترا رہے ہیں
یہ جگنو چاند سے ٹکرا رہے ہیں
وہ جس کی آنکھ سے ڈرتے تھے بچے
اسی کو آنکھ اب دکھلا رہے ہیں
بنیں گے وہ نوالہ دھوپ کا اب
شجر پھل دار جو کٹوا رہے ہیں
رہا تا عمر جو بن کر مسیحا
اسے سولی پہ سب لٹکا رہے ہیں
بہت دل کش ہے یہ دنیا مگر ہم
تری خاطر اسے ٹھکرا رہے ہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
