zara si baat pe naraazgi agar hai yahi

Murtaza Barlas

zara si baat pe naraazgi agar hai yahi

Murtaza Barlas

MORE BYMurtaza Barlas

    zarā baat pe nārāzgī agar hai yahī

    to phir nibhegī kahāñ dostī agar hai yahī

    tumheñ duā bhī ham āsūdgī kaise deñ

    jo ham ne dekhī hai āsūdgī agar hai yahī

    hameñ bikharnā to hai kal nahīñ to aaj sahī

    hamārā kyā hai tumhārī ḳhushī agar hai yahī

    abhī na-jāne hameñ kitne dost khone paḌeñ

    hamārī bātoñ meñ be-sāḳhtagī agar hai yahī

    maiñ dil meñ rakhtā nahīñ muñh pe saaf kahtā huuñ

    kamī ye mujh meñ hai be-shak kamī agar hai yahī

    jo raah bhaTkūñ to us galī meñ aa niklūñ

    ḳhushā-nasīb mirī gumrahī agar hai yahī

    misāl denī to apnī zaat denī

    to phir ġhurūr hai kyā ājizī agar hai yahī

    zara si baat pe naraazgi agar hai yahi

    to phir nibhegi kahan dosti agar hai yahi

    tumhein dua bhi hum aasudgi ki kaise den

    jo hum ne dekhi hai aasudgi agar hai yahi

    hamein bikharna to hai kal nahin to aaj sahi

    hamara kya hai tumhaari KHushi agar hai yahi

    abhi na-jaane hamein kitne dost khone paDen

    hamari baaton mein be-saKHtagi agar hai yahi

    main dil mein rakhta nahin munh pe saf kahta hun

    kami ye mujh mein hai be-shak kami agar hai yahi

    jo rah bhaTkun to us ki gali mein aa niklun

    KHusha-nasib meri gumrahi agar hai yahi

    misal deni to apni hi zat ki deni

    to phir ghurur hai kya aajizi agar hai yahi

    Source :
    • Book : kulliyat -e-Murtaza Barlas (Pg. 501)
    • Author : Murtaza Barlas
    • Publication : Alhamd Publication Lahore (2011)
    • Edition : 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY