zara socha nahin jis ne ye mera dil dukhane par

zarā sochā nahīñ jis ne ye merā dil dukhāne par

ḳhushī se naach paḌtā thā maiñ us kā phone aane par

thakā-hārā huā chehra liye aayā huuñ mahfil meñ

udāsī muft meñ miltī hai dil ke Tuut jaane par

zamāne ne bahut koshish kī tum se duur karne kī

maiñ rishta toḌtā kab huuñ jo aa jā.ūñ nibhāne par

maiñ us kī baat kartā huuñ binā āñkhoñ meñ aañsū ke

mujhe bebas kiyā hai vaqt ne sab kuchh bhulāne par

banāne baiThtā huuñ to tirī tasvīr bantī hai

koī panchhī koī titlī koī dariyā banāne par

likhe hai 'arz' apne she'r jo tum ko sunā.ī deñ

samundar josh meñ hai ab kahīñ lahreñ uThāne par

zara socha nahin jis ne ye mera dil dukhane par

KHushi se nach paDta tha main us ka phone aane par

thaka-haara hua chehra liye aaya hun mahfil mein

udasi muft mein milti hai dil ke Tut jaane par

zamane ne bahut koshish ki tum se dur karne ki

main rishta toDta kab hun jo aa jaun nibhane par

main us ki baat karta hun bina aankhon mein aansu ke

mujhe bebas kiya hai waqt ne sab kuchh bhulane par

banane baiThta hun to teri taswir banti hai

koi panchhi koi titli koi dariya banane par

likhe hai 'arz' apne she'r jo tum ko sunai den

samundar josh mein hai ab kahin lahren uThane par