ذرا سوچا نہیں جس نے یہ میرا دل دکھانے پر

ذرا سوچا نہیں جس نے یہ میرا دل دکھانے پر

خوشی سے ناچ پڑتا تھا میں اس کا فون آنے پر

تھکا ہارا ہوا چہرہ لیے آیا ہوں محفل میں

اداسی مفت میں ملتی ہے دل کے ٹوٹ جانے پر

زمانہ نے بہت کوشش کی تم سے دور کرنے کی

میں رشتہ توڑتا کب ہوں جو آ جاؤں نبھانے پر

میں اس کی بات کرتا ہوں بنا آنکھوں میں آنسو کے

مجھے بے بس کیا ہے وقت نے سب کچھ بھلانے پر

بنانے بیٹھتا ہوں تو تری تصویر بنتی ہے

کوئی پنچھی کوئی تتلی کوئی دریا بنانے پر

لکھے ہے عرضؔ اپنے شعر جو تم کو سنائی دیں

سمندر جوش میں ہے اب کہیں لہریں اٹھانے پر