ذرا یہ کام میرے مہرباں کر
خموشی کو کبھی اپنی زباں کر
میں اپنے آپ سے چھپ سی گئی ہوں
کبھی آ کر مجھے مجھ پر عیاں کر
ارے درد جدائی ملتجی ہوں
مرے دل میں اتر مجھ میں مکاں کر
طبیعت مضمحل رہنے لگی ہے
کسی کا حال مجھ سے مت بیاں کر
دل و جاں پر گزر جائے قیامت
ستم مجھ پر نہ یوں درد نہاں کر
دعا دے گی تجھے دل سے دعاؔ بھی
بھروسا اس پہ تھوڑا بد گماں کر
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
