زرد چہرے پہ خوش لباس آنکھیں
زرد چہرے پہ خوش لباس آنکھیں
خوب ہنستی ہیں محو یاس آنکھیں
عید کا چاند ہے تو اور تیری
راہ تکتی ہیں بارہ ماس آنکھیں
روح کو روح سے ہو کیسے عشق
نہ تو دل ہے نہ اس کے پاس آنکھیں
ہر نظر کو نصیب کیوں ہوں ہم
ہم کو دیکھیں وہی دو خاص آنکھیں
ذہن کرتا ہے تیرے گرد طواف
جب نہ ہوں تیرے آس پاس آنکھیں
میری آنکھوں میں صرف تیرے خواب
خوابؔ کی منتظر پچاس آنکھیں
Additional information available
Click on the INTERESTING button to view additional information associated with this sher.
About this sher
Close
rare Unpublished content
This ghazal contains ashaar not published in the public domain. These are marked by a red line on the left.
