zard patton ko daraKHton se juda hona hi tha
zard pattoñ ko daraḳhtoñ se judā honā hī thā
ham ki dariyā haiñ samundar kī ġhizā honā hī thā
aur kab tak be-samar rakhtī ḳhizāñ peḌoñ ke haath
rut badal jaanā thī ye jangal harā honā hī thā
rokne se kab havā ke narm jhoñke ruk sake
band darvāzoñ ko ik din nīm-vā honā hī thā
tez dhāroñ se bichhaḌ kar un kināroñ par 'najīb'
mauj-e-dariyā kī tarah be-dast-o-pā honā hī thā
zard patton ko daraKHton se juda hona hi tha
hum ki dariya hain samundar ki ghiza hona hi tha
aur kab tak be-samar rakhti KHizan peDon ke hath
rut badal jaana thi ye jangal hara hona hi tha
rokne se kab hawa ke narm jhonke ruk sake
band darwazon ko ek din nim-wa hona hi tha
tez dhaaron se bichhaD kar un kinaron par 'najib'
mauj-e-dariya ki tarah be-dast-o-pa hona hi tha
- Book : Muasir (Pg. 226)
- Author : Habibullah
- Publication : Maktaba muasir 304 alfaisal palaza, Shahrah qaid-e-azam, lahore
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
