zauq-e-ulfat ab bhi hai rahat ka arman ab bhi hai

zauq-e-ulfat ab bhī hai rāhat kā armāñ ab bhī hai

dil pareshāñ ruuh tarsāñ chashm-e-giryāñ ab bhī hai

kab sambhāle se sambhaltā hai dil-e-pur-iztirāb

āh-e-sozāñ lab par ab bhī siina baryāñ ab bhī hai

sa.ī koshish ke liye maidān hai ab bhī farāḳh

azm-e-rāsiḳh kī zarūrat ham ko haañ haañ ab bhī hai

tuḳhm meñ roīdagī har naḳhl meñ bālīdgī

mausam-e-sarmā-o-garmā bād-o-bārāñ ab bhī hai

ḳhalq meñ maujūd haiñ ab bhī vahī la.al-o-gohar

tishna-kāmī-e-sadaf ko abr-e-naisāñ ab bhī hai

shaam bhī hai sub.h bhī hai aur din bhī raat bhī

māh-e-tābāñ ab bhī hai mahr-e-daraḳhshāñ ab bhī hai

āshiq o ma.ashūq bhī haiñ vasl o hijr o rashk bhī

mahr ulfat teġh o ḳhanjar tiir paikāñ ab bhī hai

hai vahī dīvāngī ab bhī vahī shorīdgī

jaib o dāman hadiya-e-ḳhār-e-bayābāñ ab bhī hai

shauq o zauq ab bhī hai baaqī murda-dil ham haiñ to haiñ

apne dil ko hasrat-e-sair-e-gulistāñ ab bhī hai

ishq kī sūrat jo badle to ho āshiq bhī kuchh aur

ye jafā-o-jaur kā har vaqt ḳhvāhāñ ab bhī hai

aa ga.ī piirī magar ab tak hai tū mahv-e-ḳhayāl

ham-sabaq tifloñ kā tū tifl-e-dabistāñ ab bhī hai

garmi-e-mahfil vahī hai jam.a haiñ ahbāb bhī

hastī-e-parvāna o sham-e-shabistāñ ab bhī hai

ġhair-mumkin hai badal jaa.e kabhī qānūn-e-haq

hukm-e-yazdāñ ab bhī hai ijrā-e-farmāñ ab bhī hai

kyuuñ musalmānoñ ne badlā haal apnī qaum kā

thā jo qur.āñ bas vahī maujūd qur.āñ ab bhī hai

qashqa bālā-e-jabīñ zunnār hai bālā-e-dosh

ye batā īmān se kyā tū musalmāñ ab bhī hai

ittiqā o zohd se dil-bastagī baaqī nahīñ

dāvā-e-islām jaisā pahle thā haañ ab bhī hai

kho diye ayyām-e-pīrī ne tere hosh-o-havās

ai bashīr-e-be-navā kuchh dil meñ armāñ ab bhī hai

zauq-e-ulfat ab bhi hai rahat ka arman ab bhi hai

dil pareshan ruh tarsan chashm-e-giryan ab bhi hai

kab sambhaale se sambhalta hai dil-e-pur-iztirab

aah-e-sozan lab par ab bhi sina baryan ab bhi hai

sai koshish ke liye maidan hai ab bhi faraKH

azm-e-rasiKH ki zarurat hum ko han han ab bhi hai

tuKHm mein roidagi har naKHl mein baalidgi

mausam-e-sarma-o-garma baad-o-baran ab bhi hai

KHalq mein maujud hain ab bhi wahi lal-o-gohar

tishna-kaami-e-sadaf ko abr-e-naisan ab bhi hai

sham bhi hai subh bhi hai aur din bhi raat bhi

mah-e-taban ab bhi hai mahr-e-daraKHshan ab bhi hai

aashiq o mashuq bhi hain wasl o hijr o rashk bhi

mahr ulfat tegh o KHanjar tir paikan ab bhi hai

hai wahi diwangi ab bhi wahi shoridgi

jaib o daman hadiya-e-KHar-e-bayaban ab bhi hai

shauq o zauq ab bhi hai baqi murda-dil hum hain to hain

apne dil ko hasrat-e-sair-e-gulistan ab bhi hai

ishq ki surat jo badle to ho aashiq bhi kuchh aur

ye jafa-o-jaur ka har waqt KHwahan ab bhi hai

aa gai piri magar ab tak hai tu mahw-e-KHayal

ham-sabaq tiflon ka tu tifl-e-dabistan ab bhi hai

garmi-e-mahfil wahi hai jama hain ahbab bhi

hasti-e-parwana o sham-e-shabistan ab bhi hai

ghair-mumkin hai badal jae kabhi qanun-e-haq

hukm-e-yazdan ab bhi hai ijra-e-farman ab bhi hai

kyun musalmanon ne badla haal apni qaum ka

tha jo quran bas wahi maujud quran ab bhi hai

qashqa baala-e-jabin zunnar hai baala-e-dosh

ye bata iman se kya tu musalman ab bhi hai

ittiqa o zohd se dil-bastagi baqi nahin

dawa-e-islam jaisa pahle tha han ab bhi hai

kho diye ayyam-e-piri ne tere hosh-o-hawas

ai bashir-e-be-nawa kuchh dil mein arman ab bhi hai