zehn mein charaghan hai ruh jagmagai hai

Malikzaada Manzoor Ahmad

zehn mein charaghan hai ruh jagmagai hai

Malikzaada Manzoor Ahmad

MORE BYMalikzaada Manzoor Ahmad

    zehn meñ charāġhāñ hai ruuh jagmagā.ī hai

    shaam ke dhuñdlakoñ meñ yaad terī aa.ī hai

    kal ḳhizāñ meñ dīvāne be-niyāz-e-dāman the

    fikr-e-pairahan ab hai jab bahār aa.ī hai

    ḳhud ulajh ga.e āḳhir jo chale the suljhāne

    gesū-e-pareshāñ se vo shikast khaa.ī hai

    zulmat-e-shab-e-ġham meñ zindagī rāhoñ par

    sham.a-e-ārzū ham ne muddatoñ jalā.ī hai

    tum gesuoñ vaalo chhāñv le ke aa jaao

    zindagī rāhoñ par tez dhuup chhā.ī hai

    kaash daulat-e-ġham apne paas bach rahtī

    vo bhī un ko de baiThe aisī maat khaa.ī hai

    aap ro.e kyuuñ āḳhir sun ke qissa-e-'manzūr'

    aap batā.eñ to aañkh kyuuñ bhar aa.ī hai

    zehn mein charaghan hai ruh jagmagai hai

    sham ke dhundlakon mein yaad teri aai hai

    kal KHizan mein diwane be-niyaz-e-daman the

    fikr-e-pairahan ab hai jab bahaar aai hai

    KHud ulajh gae aaKHir jo chale the suljhane

    gesu-e-pareshan se wo shikast khai hai

    zulmat-e-shab-e-gham mein zindagi ki rahon par

    shama-e-arzu hum ne muddaton jalai hai

    tum hi gesuon walo chhanw le ke aa jao

    zindagi ki rahon par tez dhup chhai hai

    kash daulat-e-gham hi apne pas bach rahti

    wo bhi un ko de baiThe aisi mat khai hai

    aap roe kyun aaKHir sun ke qissa-e-'manzur'

    aap hi bataen to aankh kyun bhar aai hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY