zist hai barf ki manind pighal jaegi
ziist hai barf kī mānind pighal jā.egī
aarzū ret hai muTThī se nikal jā.egī
sab ne kirdār nibhāne haiñ chale jaanā hai
rafta rafta ye kahānī bhī badal jā.egī
aaj jo faisla karnā ho samajh kar kar leñ
baat kal aap ke hāthoñ se nikal jā.egī
ek muddat se isī aas meñ baiThe hue haiñ
ye musībat kī ghaḌī dekhnā Tal jā.egī
chaḌhte sūraj pe bhī dekhā hai zavāl aate hue
ye javānī hai bahut jald hī Dhal jā.egī
zindagī tujh pe bharosa nahīñ 'tamsīla' ko ab
jald hī tū bhī mire ḳhvāb kuchal jā.egī
zist hai barf ki manind pighal jaegi
aarzu ret hai muTThi se nikal jaegi
sab ne kirdar nibhane hain chale jaana hai
rafta rafta ye kahani bhi badal jaegi
aaj jo faisla karna ho samajh kar kar len
baat kal aap ke hathon se nikal jaegi
ek muddat se isi aas mein baiThe hue hain
ye musibat ki ghaDi dekhna Tal jaegi
chaDhte suraj pe bhi dekha hai zawal aate hue
ye jawani hai bahut jald hi Dhal jaegi
zindagi tujh pe bharosa nahin 'tamsila' ko ab
jald hi tu bhi mere KHwab kuchal jaegi
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
